ჩვენი სკოლის ისტორია

 

     

    დავით აღმაშენებლის პროსპექტზე მდებარეობს სამსართულიანი თეთრი შენობა, რომელშიც განთავსებულია ქ.ქუთაისის N21 საშუალო სკოლა. სკოლა 1954 წელს დაარს-და. სკოლა  დაარსდა 1954 წელს, როგორც საშუალო სკოლა და მას სიცოცხლის ბოლომ-დე ხელმძღვანელობდა  ქალბატონი  ქეთევან ნადირაძე, რომელიც განსაკუთრებული ნიჭით, უნარით, უდიდესი პროფესიონალიზმით  გამოირჩეოდა და სკოლაში მუდმივად უზრუნველყოფდა ეფექტურ, ორგანიზებულ და უსაფრთხო გარემოს თითოეული მოსწავლისათვის. ქუთაისის საკრებულოს გადაწყვეტილებით 2015 წელს სკოლას ქეთო ნადირაძის სახელი მიენიჭა. 

განათლების სისტემაში მიმდინარე რეფორმის საფუძველზე, 1995 წლის 25 ივნისს, მერიის 322-ე განკარგულებით,მე-2 და 21-ე ზოგადსაგანმანათლებლო სკოლების დაწყე-ბითი კლასების ბაზაზე შეიქმნა მე-2 დაწყებითი სკოლა, რომელსაც სათავეში ჩაუდგა ქალბატონი ციალა ჯაფარიძე.  

საქართველოს განათლებისა და მეცნიერების მინისტრის 2005 წლის 15 სექტემბრის N448 ბრძანების საფუძველზე დაფუძნდა სსიპ ქ. ქუთაისის N 21 საჯარო სკოლა. 2007 წლიდან დღემდე სკოლას ხელმძღვანელობს ქალბატონი რუსუდან ჭეიშვილი, რომელიც თავდაუზოგავი ყოველდღიური საქმიანობით  ხელს უწყობს ზოგადი განათლების სფეროში სახელმწიფო პოლიტიკის ძირითადი მიზნების მიღწევას,ამ პოლიტიკის შესაბამისი სიახლეებისა და ცვლილებების განხორციელებას, ასევე უზრუნველყოფს სკოლაში უსაფრთხო, ეფექტური, ორგანიზებული და კეთილგანწყობილი, ურთიერთპატივისცემასა და თანამშრომლობაზე  დაფუძნებულ სასწავლო და სამუშაო გარემოს შექმნას.

სკოლა  ახორციელებს საგანმანათლებლო საქმიანობას ეროვნული სასწავლო გეგმის შესაბა-მისად და უზრუნველყოფს ზოგადი განათლების მიღებას: დაწყებით, საბაზო და საშუალო საფეხურზე. სკოლას ყავს 3 მენტორი, 19 წამყვანი, 19 უფროსი, 3 პრაქტიკოსი მასწავლებელი. 

      2008-2009 სასწავლო წელს სკოლა დაჯილდოვდა ეროვნულ-სასწავლო ოლიმპიადაში მიღწეული წარმატებისათვის 3000 ლარით და მადლობის სიგელით.. ყოველწლიურად ჰყავს სკოლას გაცვლით “flex” პროგრამაში გამარჯვებული მოსწავლეები. მიმდინარე სასწავლო წელს მე-12 კლასელი ნინო ხურციძე და მე-10 კლასის მოსწავლე მარიამ შამათავა აღნიშნული პროგრამის ფარგლებში იმყოფებოდნენ აშშ-ში და ძალიან წარმატებულნი დაუბრუნდნენ სკოლას. 

      სკოლას განსაკუთრებული მიღწევები აქვს ჭადრაკში. 2011 წელს სკოლის გუნდი გამარჯვებული გამოვიდა პირველ ეროვნულ სასკოლო ჩემპიონატში ჭადრაკში, პირველი ადგილი დაიკავა და მონაწილეობდა საბერძნეთის ქალაქ სალონიკში გამართულ ევროპის ჩემპიონატში. გახდა ევროპის ჩემპიონი. დაჯილდოვდა 3 ოქროსა და ერთი ბრინჯაოს მედლით. 

სკოლა აქტიურადაა ჩართული საქართველოს ახალგაზრდობის სამოქალაქო განათლების პროექტში, პედაგოგები კი სამოქალაქო განათლებისა და პედაგოგთა პროფესიული განვითარების პროგრამებში. სკოლა სისტემატურად მონაწილეობს სამინისტროს მიერ ინიცირებულ სხვადასხვა  კონკურსებში. სკოლის სამოქალაქო განათლების კლუბი გამარჯვებული გამოვიდა კლუბებს შორის გამართულ კონკურსში და საჩუქრად გადმოეცა: ლეპტოპი, პროექტორი, პრინტერი-სკანერი-ქსეროქსი, ვიდეოკამერა, ფოტოაპარატი და მეხსიერების ბარათი. 

  სკოლამ მონაწილეობა მიიღო world vision - საქართველოს მიერ გამოცხადებულ საგრანტო კონკურსში თემაზე “ტრეფიკინგის პრევენცია“. დაფინანსდა პროექტები: „ნუ გახდები ტრეფიკინგის მსხვერპლი!“ „ერთად ვძლიოთ ტრეფიკინგს.“ 2013 წელს საქართველოს პარლამენტმა ევროპის კვირეულის ფარგლებში ქუთაისის საჯარო სკოლების მოსწავლეთა ნამუშევრების გამოფენას უმასპინძლა.ჩვენი სკოლის მოსწავლეებმა თემაზე - „როგორ გვესმის საქართველოს ევროპული ინტეგრაცია“ 50-მდე  ნახატი წარადგინეს და გამარჯვება მოიპოვეს.

წარმატებულია სკოლის პედაგოგთა საქმიანობა. სკოლას ჰყავს განათლების ხარისხზე ორიენტირებული, საინტერესო და მრავალფეროვანი მეთოდებით მოტივაციის მიმცემი, ღრმა ცოდნისა და სიახლის ძიების მქონე პედაგოგები  

ინგლისური ენის მასწავლებელმა რიტა ტუკვაძემ  მონაწილეობა მიიღო განათლების სამინისტროს მიერ ორგანიზებულ სხვადასხვა  ტრენინგების პროგრამაში- ინფორმაციულ-საკომუნიკაციო ტექნოლოგიების  სასწავლო  პროცესში  ინტეგრირების კუთხით. იგი, როგორც გამარჯვებული პედაგოგი იმყოფებოდა დანიაში და იქ მიღებულ გამოცდილებას უზიარებს კოლეგებსა და მოსწავლეებს.

ასევე აქტიურადაა ჩართული განათლებისა და მეცნიერების სამინისტროს მიერ ინიცირებულ პროექტებში  სახვითი და გამოყენებითი  ხელოვნების პედაგოგი ნინო ჟვანია, რომელიც მაღალი საგნობრივი კომპეტენციით, უნიკალური სწავლების მეთოდებით ზრდის მოსწავლეთა ინტერესს, მაღალ სააზროვნო უნარებს. კერძოდ, 2017 წელს განახორციელა სამინისტროს მიერ გრანტირებული პროექტი  ,,ქართული ეროვნული სამოსი-თინეიჯერების შთაგონება“, მიმართულება-კულტურა/ხელოვნებაში. პროექტში მონაწილეობა მიიღო მე-8ა და მე-9ა კლასის მოსწავლეებმა. 2018 წელს კი სკოლაში, საქართველოს განათლებისა და მეცნიერების სამინისტროს „სასკოლო აქტივობების ხელშეწყობის“ ფარგლებში განხორციელდა პროექტი „კალენდარი-პრანჭია თოჯინები“. პროექტი მიმდინარეობდა ორ ეტაპად:  

 I ეტაპი - 10  საათი  2018 წლის სექტემბერ-ოქტომბრის თვეების ფარგლებში;  

  II ეტაპი -  10  საათი 2018 წლის ნოემბერ-დეკემბრის თვეების ფარგლებში;  

     

სკოლაში ფუნქციონირებს შემეცნებითი კლუბი "რა,სად,როდის". ტარდება ხატვისა და ძერწვის კონკურსები, რომელშიც აქტიურად არიან ჩართული მშობლები. დისტან-ციური სწალისას განხორციელდა შემდეგი პეოქტები: "ვირტუალური გამოფენა"-2გ კლასი; პროექტი "სარკის წინ"-3;4 და 2 კლასის მოსწავლეებისათვის; პროექტი "ფოტო კონკურსი-სახლის სარკმლიდან დანახული ჩემი ქალაქი" 7,8 და 9 მოსწავლეებისაგან.

სკოლა წარმატებით ერთვება  ასევე  etaloni.ge-ს მიერ შემოთავაზებულ სხვადასხვა პროექტებში. გამოეხმაურა რა  ქუთაისის მუნიციპალიტეტის საკრებულოს ინიციატივას, სკოლამ  მიიღო მონაწილეობა პროექტში: ,,არა ძალადობას! ძალა უფლებას!’’ ყველაზე აქტიურ  მოსწავლეებს გადაეცათ სერთიფიკატები, სკოლას კი მადლობის წერილი.

2019 -2020 სასწავლოწლიდან სკოლა ჩართულია ,,ახალი სკოლის მოდელში’’ და  ცდილობს, რომ  თითოეულმა მასწავლებელმა და  მთლიანად სკოლამ შეძლოს მოსწავლეებზე, მათ მოთხოვნებსა და საჭიროებებზე მორგებული, ისეთი სასწავლო გარემოს შექმნა, რომელიც რეალურად იქნება  მოსწავლის განვითარებაზე ორიენტირებული.

ქალაქ ქუთაისის N21 საჯარო სკოლის  ძლიერი გუნდი მზად არის სკოლა მომავლის სკოლად აქციოს და მაღალი სტანდარტებით უპასუხოს თანამედროვე გამოწვევებს  სასწავლო პროცესში ინფორმაციული ტექნოლოგიების დანერგვის მიმართულებით. ამის დასტურად სკოლა აქტიურად ჩაერთო  პროექტში: ,,ციფრული სკოლა-საქართველოს’’ და ღრმად სწამს, რომ  ციფრული სკოლა-მომავლის სკოლაა, ჩვენ შევცვლით ჩვენ მომავალს !

ა) დააწექით ფოტოს და იხილეთ მასალები

                                                            

ბ) დააწექით ფოტოს და შეგიძლიათ ნახოთ ჩვენი სკოლოს მასალები

პროექტი "ციფრული სკოლა-საქართველო"

  

             

 

 ციფრული სკოლა გულისხმობს ციფრულ შინაარსსა და მასალას - ვიდეო და ონლაინ გაკვეთილებს, საგანმანათლებლო სხვა სახის ლიტერატურას და ლაბორატორიებს. ცოდნის გადაცემის ეს საშუალება გაზრდის დამატებითი სასწავლო მასალების ხელმისაწვდომობას და მოსწავლეებთან ერთად მასწავლებლებსაც დაეხმარება ისარგებლონ ყველაზე თანამედროვე და მაღალი ხარისხის ლიტერატურით.

  ტექნოლოგია ყველგანაა და შესაბამისად, იგი ჩვენს ყოველდღიურ ცხოვრებასთანაა გადაჭვული. სწორედ ამიტომ, საკლასო ოთახში ტექნოლოგიების მიზანმიმართულად გამოყენება სწავლებისთვის მეტ შესაძლებლობას გვთავაზობს და საგანმანათლებლო პროცესს უფრო ხელმისაწვდომსა და მოქნილს ხდის. სწორედ ამ საქმეს ემსახურება ციფრული სკოლა.

   ციფრული სკოლა აღარ არის უტოპია. ეს არის რეალობა. ინტერაქტიული, საინტერესო, მრავალმხრივი და თანამედროვე რეალობა. მაგრამ როგორც ყოველთვის ახალი რაიმეს დაწყებისთანავე, არსებობს სირთულეები, კითხვები და ეჭვები.

   ციფრული სკოლა არის ერთი შეხედვით ჩვეულებრივი სკოლა, რომელშიც ჩართულია საკომუნიკაციო ტექნოლოგიები, მაგრამ ელექტრონული სკოლა არ არის მხოლოდ ინტერნეტ ტექნოლოგიების, მობილური კლასების, ინტერაქტიული დაფების და ტექნოლოგიების სხვა ობიექტების განხორციელება, ასევე მაღალკვალიფიციური და მომზადებული პერსონალი.პედაგოგები, რომლებიც მზად არიან გამოიყენონ ახალი ტექნოლოგიები საკლასო ოთახში, რომლებიც იცნობენ ინტერნეტში მუშაობის საფუძვლებს და მზად არიან მუდმივად ცვლილებებისთვის.

 საქართველოში ციფრული სკოლის პროექტის განხორციელება ესტონურ გამოცდილებას ეფუძნება და საქართველოს საჯარო სკოლებში განათლების ხარისხის გაუმჯობესებაზეა ორიენტირებული. პროექტში მონაწილე სკოლები ჯერ ციფრულ  სასწავლო პრაქტიკას შეაფასებენ და მასზე დაყრდნობით საკუთარ ციფრულ სტრატეგიას  შეიმუშავებენ, შემდეგ კი ამავე სტრატეგიაში გაწერილ აქტივობებს განახორციელებენ. ციფრული სკოლის მონაწილეებს საშუალება ექნებათ უფრო ახლოს გაეცნონ და გამოიყენონ ციფრული ინსტრუმენტები. პედაგოგიკაში იგულისხმება უფრო კრეატიული მიდგომების დანერგვა. სკოლიდან უნდა წამოვიდეს ინიციატივები და თავად უნდა განსაზღვრონ თუ რა მიმართულებით სურთ ციფრული კულტურის განვითარება და შემდგომი სტრატეგიის დაგეგმვა .

   ეს ყველაფერი ინტერნეტში ქართულად იქნება ხელმისაწვდომი, შეიქმნება სასწავლო სცენარები და ინტერაქტიული სახელმძღვანელოები. აუცილებელი მოთხოვნა იქნება ბლოგის წარმოება, ყოველკვირეულად უნდა აისახოს რა გაკეთდა სკოლაში, როგორ მიმდინარეობდა ცვლილებები. სხვა სკოლებისთვის ეს ერთგვარი გამოცდილების გაზიარება იქნება.

საზღვარგარეთ არსებობს კვლევები ციფრული სკოლის უარყოფით მხარეებზე. ამ კვლევების შედეგებმა აჩვენა, რომ:

• Wi-Fi-ს გამოყენება სკოლებში იწვევს ელექტრომაგნიტურ გამოსხივებას.
• უარი სასკოლო სახელმძღვანელოებზე.
• კომპიუტერზე მიჯაჭვულობა.
• წერის  უნარების განუვითარებლობა.
• მხედველობის პრობლემები და ა.შ

   მიუხედავათ ზემოთ აღნიშნული პრობლემებისა ციფრულ სკოლას უფრო ბევრი  დადებითი ასპექტი გააჩნია. ამათგან შეგვიძლია გამოვყოთ ის შესაძლებლობა, რომელიც მშობელს საშუალებას აძლევს აქტიური მონაწილეობა მიიღოს საგანმანათლებლო პროცესში. „ელექტრონულ საკლასო ჟურნალში„ ინტერნეტისა და SMS-ის შესაძლებლობების გამოყენებით, მათ შეუძლიათ თავიანთი შვილების წარმატების შესახებ გაეცნონ ინფორმაციებს.

  კიდევ ერთი დადებითი არგუმენტი არის ინსტრუმენტი ლაპლანერი, რომელშიც მასწავლებლებს შესაძლებლობა ექნებათ დაგეგმონ და ატვირთონ გაკვეთილი. ასევე , ციფრული ინსტრუმენტი პრესბუქი, რომელიც საშუალებას იძლევა, სკოლამ შექმნას ინტერაქტიული სასწავლო სახელმძღვანელოები.ეს სისტემა მარტივად უზრუნველოფს სკოლის ადმინისტრაციის პრობლემებს. როგორიცაა, სკოლის ფინანსების მენეჯმენტი. სკოლის მობილური აპლიკაცია, მოსწავლეებისა და პერსონალის მონაცემთა ბაზის მართვა მარტივად, ელექტრონული ფოსტისა და საიტის მართვა, ელექტრონული ბიბლიოთეკის მოსახერხებელი და მარტივი გამოყენება.  ციფრული სკოლის პლატფორმა არის მოსახერხებელი და მარტივი გამოსაყენებლად თუნდაც იმ ადამიანებისათვის, ვისაც განათლების მაღალი დონე არ გააჩნია ამ საკითხში.

  ციფრული სკოლა არის ვებსაიტი, მენეჯმენტის ინფორმაციული სისტემა, რომელიც ეძღვნება სასწავლო ინსტიტუტებს, ადმინისტრაციულ პროცესებში სირთულეების გამარტივებასა და საგანმანათლებლო საქმიანობის ეფექტურობის გაღრმავებას.

  ციფრული სკოლა არის კონფიგურირებადი პროგრამული უზრუნველყოფა, რომელსაც გააჩნია მრავალი ინტეგრირებული მოდელი, რომელიც ავტომატურად ახორციელებს რამდენიმე ფუნქციას.

   პროექტი "ციფრული სკოლა-საქართველო" ჩვენს სკოლაში განხორციელდა დაწყებითი საფეხურის 6-ბ კლასში. პროექტი "ციფრული სკოლა" თანამედროვე ციფრული პრაქტიკის დანერგვის იდეას ემყარება. ჩვენი სკოლა აქტიურად არის ჩართული ამ მიმართულებით. პროექტის ფარგლებში დავესწარით ტრენინგებს. გავეცანით ბევრ ახალ და საინტერესო ციფრულ ინსტრუმენტებს და დავიწყეთ მათი დანერგვა სკოლაში. პირველად selfie-ის საშუალებით ჩავატარეთ გამოკითხვა 6-ბ კლასის მასწავლებლებსა და მოსწავლეებში, მივიღეთ გამოკითხვის შედეგები, სადაც გამოიკვეთა შემდეგი პრობლემები: ციფრული კომპეტენციების სიმცირე და საგაკვეთილო პროცესში მათი გამოყენების იშვიათობა. პრობლემის უფრო მეტი კონკრეტიკისთვის გამოვიყენეთ ციფრული სარკე, რამაც დაგვიდასტურა პრობლემა.  

დაიგეგმა ციფრული სტრატეგიის მიზანი, რომელსაც პროექტის განხორციელების შედეგად უნდა მივაღწიოთ.

 

1. სელფის გამოკითხვა

 

 2. სელფის რეპორტი და ციფრული სარკე

                                            

3. ჩვენი პრობლემა : 

ელექტრონული რესურსების სისტემატიური                        გამოყენება  სასწავლო პროცესში. 

4.  ჩვენი მიზანი

ელექტრონული რესურსების გამოყენებით სწავლა-სწავლების  პროცესის გაუმჯობესება.

5.  მთავარი კითხვა                                                                                 

როგორ შეგვიძლია ციფრული ტექნოლოგიები დავნერგოთ კლასში ისე, რომ მოვარგოთ მოსწავლეთა საჭიროებებს  და  შესაძლებლობებს.

 6.  ჩვენი აღმოჩენა:

ციფრული ტექნოლოგიების მრავალფეროვანი შესაძლებლობების მრავალმხრივ გამოყენება სასწავლო პროცესში.

  პროექტ „ციფრული სკოლა-საქართველოს“ ფარგლებში უკეთ შევისწავლეთ კლასი და განვიხილეთ ის ცოდნა, რომელსაც ჩვენი სკოლის პედაგოგები ფგლობდნენ  ციფრული ტექნოლოგიების კუთხით. ამ საკიტხის გასარკვევად ჩავატარეთ გამოკითხვა მოსწავლეებსა და მასწავლებლებში.
 გადაწყდა, რომ  განვახორციელებდით შემდეგ ამოცანებს:

1. ჩავატარებთ ტრენინგებს მოსწავლეებსა და მასწავლებლებში სხვადასხვა ელ. რესურსების შესაძლებლობების  გაცნობის კუთხით.

2.  საგნის მასწავლებელი თავად გადაწყვიტავს რომელი ინსტრუმენტი უნდა გამოეყენოს თემისა და გაკვეთილის მიზნის შესაბამისად.
3. გადაწყდა ისიც, რომ მასწავლებელი თავად განესაზღვრავს გაკვეთილის რომელ ფაზაზე გამოიყენებს ამა თუ იმ ინსტრუმენტს.
4. ყოველი ინსტრუმენტის გამოყენების შემდეგ გავაკეთოთ რეფლექსია, რათა დავინახოთ კვლევის ინტერვენციებისათვის შესარჩევი სტრატეგიის განსაზღვრა.

5. მაღალი კლასის მოსწავლებისაგან შეირჩეს სიფრული ელჩები.

6. გამზადდეს ელ.რესურსების საცავი და მათი გამოყენების ტუტორიალები.

7. განსახორციელებელი  საქმიანობის   ეტაპები

8. რას გვაძლევს ციფრული ტექნოლოგიების გამოყენება

9. ჩვენი მიზნები და შედეგები

• საინფორმაციო ტექნოლოგიების გამოყენება  მასწავლებელს საშუალებას აძლევს თვი- სებრივად შეცვალოს სწავლების შინაარსი, მეთოდები და ორგანიზაციული ფორმები. 
• განახორციელოს სწავლებისადმი შემოქმედებითი მიდგომები და  მოახდინოს სასწავ-ლო პროცესის  სწავლების ხარისხის გაუმჯობესება, გაზარდოს მოსწავლეთა  ჩართუ-ლობა და მოტივაცია. 
• საინფორმაციო ტექნოლოგიების დანერგვა მკვეთრად აჩქარებს სწავლების პროცესს, ამაღლებს მის ხარისხს.
• ახდენს სასწავლო დროის ეკონომიას.
• აადვილებს სასწავლო მასალის გაგება-გააზრებას.

10. რატომ უნდა ვისწავლოთ ციფრული ტექნოლოგიების გამოყენება

ჩვენი Google  Drive-ს მისამართი: დააწექით და იხილეთ ჩვენი მასალები